క్రిష్ చేతుల మీదుగా ‘వాలీ’ టైటిల్ మోషన్ పోస్టర్ విడుదల.. స్పోర్ట్స్ డ్రామాపై అంచనాలు పెరుగుతున్నాయి
దర్శకుడు క్రిష్ జగర్లమూడి చేతుల మీదుగా ‘వాలీ’ (VOLLEY) టైటిల్ మోషన్ పోస్టర్ అధికారికంగా విడుదలైంది. ఫైర్వాటర్ ఎంటర్టైన్మెంట్స్ బ్యానర్పై రూపొందుతున్న ఈ స్పోర్ట్స్ డ్రామా టాలీవుడ్లో తొలి వాలీబాల్ నేపథ్య చిత్రంగా ప్రత్యేక గుర్తింపు తెచ్చుకుంటోంది. మోషన్ పోస్టర్ను క్రిష్ తన ఎక్స్ (ట్విట్టర్) ఖాతా ద్వారా రిలీజ్ చేయడంతో సినీ వర్గాలు, అభిమానుల్లో ఆసక్తి మరింత పెరిగింది.
జి విక్రమ్ రెడ్డి సమర్పణలో రూపొందుతున్న ఈ చిత్రానికి దిలీప్ కె. మనుకొండ దర్శకత్వం వహిస్తున్నారు. తీరప్రాంత గ్రామీణ నేపథ్యంలో సాగనున్న ఈ సినిమా, ఇద్దరు అన్నదమ్ముల భావోద్వేగాలు, పోటీ స్పూర్తి, మరియు మానవ సంబంధాలను వాలీబాల్ క్రీడ చుట్టూ అల్లుకుంది.
ఈ చిత్రంతో రోనిత్ జీఆర్జీ హీరోగా పరిచయం అవుతుండగా, నిపుణ్ సత్య కీలక పాత్ర పోషిస్తున్నాడు. అభిగ్న్య వుత్తలూరు హీరోయిన్గా నటిస్తోంది. రవి వర్మ, కల్పలత, వడ్లమాని శ్రీనివాస్, లక్ష్మణ్ మీశాల, కిరణ్ వరణాసి, రమణ భార్గవ తదితరులు ప్రధాన పాత్రల్లో కనిపించనున్నారు.
జి రోహన్ రెడ్డి ఈ చిత్రాన్ని నిర్మిస్తుండగా, శ్రీనివాస్ కారంకి సహ నిర్మాతగా, స్నేహ దాసరి ఎగ్జిక్యూటివ్ ప్రొడ్యూసర్గా వ్యవహరిస్తున్నారు. కథ, స్క్రీన్ప్లేలను దిలీప్ కె. మనుకొండతో పాటు పవన్ కె. విప్పర్తి సంయుక్తంగా రచించారు.
సాంకేతిక విభాగంలో అరుణ్ విజేకే సినిమాటోగ్రఫీ అందించగా, ఔరానోవా స్టూడియోస్ సంగీతాన్ని సమకూర్చింది. ఎడిటింగ్ను రవితేజ గిరిజాల నిర్వహిస్తున్నారు.
ఆంధ్రప్రదేశ్లోని ఉప్పాడ మరియు పరిసర ప్రాంతాల్లో చిత్రీకరణ పూర్తయ్యింది. ప్రస్తుతం పోస్ట్ ప్రొడక్షన్ పనులు శరవేగంగా కొనసాగుతున్నాయి.
మోషన్ పోస్టర్కు వస్తున్న పాజిటివ్ రెస్పాన్స్తో ‘వాలీ’ ఓ శక్తివంతమైన స్పోర్ట్స్ డ్రామాగా నిలుస్తుందనే అంచనాలు పెరుగుతున్నాయి. త్వరలోనే మరిన్ని అప్డేట్స్ను చిత్ర బృందం ప్రకటించనుంది.
