SRH vs RR : విభవ్ వికెట్ నాకు ప్రత్యేకం: ప్రజ్ఞావంతుడు ప్రఫుల్ హింగే
Indian Premier Leagueలో అరంగేట్ర మ్యాచ్లోనే సంచలన ప్రదర్శనతో అందరి దృష్టిని ఆకర్షించిన యువ పేసర్ Praful Hinge తన తొలి మ్యాచ్ను మరపురానిదిగా మార్చుకున్నాడు. Sunrisers Hyderabad తరఫున ఆడిన హింగే, తన మొదటి ఓవర్లోనే మూడు వికెట్లు పడగొట్టి చరిత్ర సృష్టించాడు.
హైదరాబాద్లో జరిగిన ఈ మ్యాచ్లో Rajasthan Royals జట్టుకు భారీ షాక్ ఇచ్చిన హింగే, వైభవ్ సూర్యవంశీ, ధ్రువ్ జురెల్, లువాన్-డ్రే ప్రిటోరియస్లను డకౌట్గా ఔట్ చేశాడు. మ్యాచ్ అనంతరం మాట్లాడుతూ, “పవర్ప్లేలోనే ఆధిపత్యం చూపాలని ముందే నిర్ణయించుకున్నాను. విభవ్ వికెట్ నాకు చాలా ప్రత్యేకం” అని తెలిపాడు. అతడిని బౌన్సర్తో ఔట్ చేయాలని ముందుగానే ప్లాన్ చేసుకున్నానని చెప్పాడు.
విదర్భకు చెందిన ఈ యువ బౌలర్ తన విజయాన్ని కుటుంబ సభ్యులకు అంకితం చేస్తూ, ఎంఆర్ఎఫ్ పేస్ ఫౌండేషన్కు కృతజ్ఞతలు తెలిపాడు. ఇదే మ్యాచ్లో మరో డెబ్యూ ఆటగాడు Sakib Hussain కూడా నాలుగు వికెట్లు తీసి మెరుపులు మెరిపించాడు. తన ప్రదర్శనకు కోచ్ వరుణ్ ఆరన్ కీలక పాత్ర పోషించారని ఆయన పేర్కొన్నాడు. జట్టు కెప్టెన్ Ishan Kishan బౌలర్లను ప్రశంసిస్తూ యువ ఆటగాళ్ల ప్రదర్శనను అభినందించాడు.
మ్యాచ్కు పలువురు సినీ ప్రముఖులు హాజరై సందడి చేశారు. ముఖ్యంగా Suresh & Venkatesh Daggubati,
Vankina Chamundeswaranath స్టేడియంలో కనిపించడంతో అభిమానులు ఉత్సాహంతో కేరింతలు కొట్టారు. అదేవిధంగా చాముండి, అలాగే చిత్రబృందాలతో కలిసి వచ్చిన ‘డకాయిట్’ మూవీ టీమ్ కూడా మ్యాచ్ను వీక్షిస్తూ ఆటగాళ్లను ప్రోత్సహించింది.
సన్రైజర్స్ జట్టు యజమాని Kavya Maran స్టేడియంలో జట్టును ఉత్సాహపరుస్తూ కనిపించారు. ప్రతి వికెట్ పడినప్పుడూ ఆమె స్పందన అభిమానులను మరింత ఉత్సాహపరిచింది. స్టేడియం అంతా ఆరెంజ్ కలర్తో కళకళలాడుతూ, ఎస్ఆర్హెచ్ అభిమానులు జట్టుకు ఘన మద్దతు అందించారు.
ఈ విజయంతో సన్రైజర్స్ హైదరాబాద్ జట్టు హోమ్ గ్రౌండ్లో తమ ఆధిపత్యాన్ని మరోసారి నిరూపించింది.
