‘పరుష్’ నుంచి హీరోయిన్ హాసిని సుధీర్ బర్త్డే స్పెషల్ పోస్టర్ విడుదల
రాబోయే తెలుగు చిత్రం ‘పరుష్’ నుంచి హీరోయిన్ హాసిని సుధీర్ పుట్టినరోజు సందర్భంగా చిత్ర బృందం ప్రత్యేక పోస్టర్ను విడుదల చేసింది. ఈ పోస్టర్లో హాసిని సుధీర్ సంప్రదాయబద్ధమైన ఊదా రంగు చీరలో, అందమైన బంగారు ఆభరణాలతో ఎంతో సొగసుగా కనిపిస్తూ ప్రేక్షకులను ఆకట్టుకుంటున్నారు.
“హ్యాపీ బర్త్డే” శుభాకాంక్షలతో విడుదలైన ఈ పోస్టర్ ప్రస్తుతం సోషల్ మీడియాలో మంచి ఆదరణ పొందుతోంది. హాసిని సుధీర్ లుక్పై అభిమానులు ప్రశంసలు కురిపిస్తూ, చిత్రంపై మరింత ఆసక్తిని వ్యక్తం చేస్తున్నారు.
కళ్యాణ్ ప్రొడక్షన్స్ బ్యానర్పై రూపొందుతున్న ‘పరుష్’ చిత్రాన్ని బత్తుల సరస్వతి సమర్పిస్తుండగా, బత్తుల కోటేశ్వరరావు నిర్మిస్తున్నారు. ఈ చిత్రానికి వీరూ వులవల కథ, కథనం, దర్శకత్వం వహిస్తున్నారు.
ఈ చిత్రానికి రవిబాబు దొండపాటి సంగీతం అందిస్తుండగా, శ్రవణ్ భరద్వాజ్ బ్యాక్గ్రౌండ్ స్కోర్ అందిస్తున్నారు. కోటి సినిమాటోగ్రఫీ, రాఘవ బద్దెల ఎడిటింగ్ బాధ్యతలు నిర్వహిస్తున్నారు. ప్రేమ్రాజ్ ఎగ్జిక్యూటివ్ ప్రొడ్యూసర్గా వ్యవహరిస్తున్నారు.
హాసిని సుధీర్ పుట్టినరోజు సందర్భంగా విడుదలైన ఈ స్పెషల్ పోస్టర్తో ‘పరుష్’ సినిమాపై మంచి బజ్ ఏర్పడింది. త్వరలోనే చిత్రానికి సంబంధించిన టీజర్, పాటలు, విడుదల తేదీ వంటి మరిన్ని ఆసక్తికరమైన అప్డేట్స్ను మేకర్స్ ప్రకటించనున్నారు. కుటుంబ ప్రేక్షకులను అలరించే వినోదాత్మక చిత్రంగా ‘పరుష్’ ప్రేక్షకుల ముందుకు రానుందని చిత్ర యూనిట్ విశ్వాసం వ్యక్తం చేస్తోంది.
